عَلْيّكْ تْعَوّدِتْ

عليك اتعودت يالرايح بعيد

حرام ابقة بغيابك وحدي مهظوم

ظيم العلية خجل كلمة الظيم

واني همومي كسرن عين الهموم

سبحت بدمع عيني بخلاف عيناك

ولبست الحزن واللة بخلافك اهدوم

طحت بالعشك تدري وهذا معروف

اليوكع بالعشك مايكدر يكوم

تعال وشوف عيني وتدمع اشلون

تشك اخدود وجهي وتهمل ادموم

تعال وشوف ليلي شلون اكضيه

صاحبت السهر ومزاعل النوم

تعال وشوف وكتي بخلافك اشصار

كل يوم ابسنة وكل ثانية ابيوم

تعال وشوف كلبي التوة مجروح

ودم يبجي الكلب لو توة ملجوم

انا ادري ظجت من التعال اهواي

بقت اخر تعال ويخلص اللوم

تعال ولو صرت سم انتة بالماي

اشربك وانسعد لو بيك مسموم

وغيري الي يوعيلك تعالة

وحسافة الناصي بالدنيا تعالة

تعال وانة لوكتلك تعالة

ادري ماتجي بس سولة بية

وكلي بياذنب خليتني اهواك

وشنو ذنب وتهمتي وبيش محكوم

جي لني احبك ردت الفراك

وظحلي السبب ماريدة مكتوم

واذا ماتكدر انة اشرحلك اشجان

ذنبي وكل تهمتي وشنهو الجرام

العشك ممنوع صار ابهالوكت هاذ

خاف ايصير ضحكة ابوجه الأيام

العشك اكبر جريمة وعندي برهان
محمد من عشك حكموا بالاعدام
وبس حكمي غريب ويختلف
جان رمين بالعشك من دون الأحكام

وادماي الجان مايوعة وعدماي
وطبع الماي ماينعد وعد ماي
بحبال الناس من تعدم وعدماي
رمياً بالعشك حتة المنية...

سلمت الايادي ع الموضوع الرائع و الكلمات الاروع
تحياتي